輸入關鍵字,並按enter進行搜尋

愛在公東 錫質平神父的故事【台語故事線上聽】

點閱次數:38


愛佇公東Kong-tang錫質平神父的故事(台譯:陳豐惠)

1.

「噗噗噗噗……」聽著-tóo-bái的聲,就知影錫神父來--矣,部落--裡逐个人攏會認得這个高chhiâng大漢的外國人。

「今仔日哪會無去學校?」錫神父問--我。

「阮兜無錢交學費。」

「你有想欲去學校--無?」

「有!」

錫神父搭我的肩胛頭講:「好,我來想辦法!」


2.

錫神父有影誠有辦法,伊說服阿爸阿母,予我去台東市區讀初中,蹛學生宿舍。錫神父有閒的時,嘛會來宿舍教阮英文和數學。


3.

就佇宿舍附近,有一棟殕phú色的四層樓仔。

「哇!這是全台東上懸的厝hoⁿh!」我擔頭看樓尾頂的十字架。

「遮就是錫神父創辦的公東高工啊!」我上好的朋友阿德講。

工!原來就佇遮啊!


4.

聽講這間學校的老師攏是錫神父對歐洲請----的,我真好玄hò͘ⁿ-hiân共阿德搝--leh倚近四層樓仔,拄好看著外國先生提家私咧學生示範。

『這裡……幾公分?』外國先生的華語講甲怪怪。

學生kan-nalió---下就應講:『嗯,大概……差不多三公分吧?』

外國先生即時嚴肅提醒:『精確!要、精、確!』

學生這時才對先生手內尺接---來,閣斟酌量---遍。

「足想欲佇遮上課啊!」阿德佮我決定,這就是阮欲讀的學校。


5.

經過一段時間的拍拚,阿德佮我攏考入去公東高工。

佇學校,錫神父總--是死釘釘,啥物都欲管。猶閣會記得拄開學的時,我無錢通買製圖的家私,姑不將請錫神父鬥相共,錫神父提出一套全新的家私我講:「這毋是欲送----的,你著愛想辦法伊趁---來!」

但是,欲按怎-----leh


6.

錫神父予我做散工sóaⁿ-kang的機會,予我鬥修理門窗、摒掃校園。我那哼歌那掃落葉,無注意著家己踏著草埔,阿德出力共我搝---下,「錫神父上討厭別人踏草埔,連鞭伊會共你揍bok喔!」

著呢,前幾工才看著學長刁工踏草埔,予錫神父逐咧走,我才無想欲像怹按呢予人處罰。


7.

「咚、咚、咚!」逐工透早,錫神父攏會準時挵宿舍的門,叫逐家起床。

「喔,閣來--矣!」

我目頭結結,棉被崁佇頭殼頂,猶毋過,錫神父一間一間挵門的聲直直傳入耳空,過無偌久,閣「咚、咚、咚」,一間一間挵倒轉--來,完全毋予阮懶屍拖沙的機會。


8.

欲睏進前,錫神父會來宿舍巡房,看阮有乖乖倒--leh--無,替阮被蓋予好。為欲享受錫神父的照顧,不時有人刁工被踢落眠床跤。

「欲睏--矣,閣佇遐咧摸飛啥!」毋知是按怎,聽著錫神父罵--人的聲,總--是予我足安心。


9.

「足癢--的啊!有夠癢--的啊!」幾个著香港跤的同學拚命抓跤,錫神父隨提出藥膏,親身替怹洗跤、抹藥仔,就敢若怹的阿爸仝款。


10.

雖然錫神父真嚴肅,阮猶是真愛kheh佇伊的細間房間,看伊收集的郵票,摸伊的薰吹。

錫神父嘛會準備跳棋、khe-chí-báng予阮耍,但是逐家攏無想欲予錫神父加入,因為只要伊輸--矣,就會開始檢討家己,實在真袂消暢。


11

其實,佮郵票、薰吹比phēng,阮閣較想欲騎錫神父彼台足奅phāⁿo͘-tó͘-bái

有一暗,我搝阿德偷偷仔騎錫神父的o͘-tó͘-bái出去耍,無想到煞犁田。

錫神父知影了後雖然足受氣,煞無罵--阮,kan-na足煩惱問講:「有按怎--無?敢有著傷?」


12.

日時仔佇實習工場學技術,暗時佇教室上課,按呢的生活其實誠硬篤ngē-táu,煞予阮有能力參加全國性的技能競賽,甚至閣通出國比賽。

這陣,得著國際技能競賽金牌的阮,當佇咧街路遊行呢!當隊伍轉去到學校的時,我遠遠看著錫神父咧等--阮,我心情激動行向錫神父,想袂到,伊煞先衝---來!


13.

「你踏著草埔----啦!」

阿德搶代先共我搝--leh,我才注意著家己踏著草埔;為著無愛承拳頭拇,阮越頭緊走。

噯呀~錫神父,請先看我手--裡的獎牌-----啦!後擺,我袂閣再踏草埔----啦!