輸入關鍵字,並按enter進行搜尋

井上先生,感謝您【台語故事線上聽(含故事文)】

點閱次數:372

「總算hō͘我揣著你--ah,井上先生。」

kā Yaki央我紮--ê禮物絚絚捏--裡,激動甲一句話都講袂出喙。這个禮物貯--ê是原住民部落遐ê老大人對井上先生深深ê思念。

看著井上伊之助先生ê墓牌頂有刻一个大大ê「愛」--字,我知影,原來毋但(m̄-nā)部落遐ê老大人思念井上先生,井上先生仝款思念台灣ê一切。

墓牌頂懸一句台灣泰雅族語「上帝咧編織」,更加hō͘我想起chiok久以前台灣山內發生ê代誌。


Chiok濟年前我拄到山地部落做醫生ê時,便若有閒就真愛坐tī Yaki身邊看伊織布,泰雅族ê編織是真正美麗。

Yaki規排染做五花十色ê線,照心內ê想法安排好勢,成做線(ti̍t-sòaⁿ)。然後線(hoâiⁿ-sòaⁿùi正手、倒手兩爿來回穿入去了後,kohbgira'出力hō͘絚,發出優雅êkih-lihtongtong!」ê聲。

Yutas有時會來揣Yaki開講,兩个老人總是會提起日本時代ùi日本來醫療服務ê井上先生,hō͘我對這位醫生充滿好玄(hòⁿ-hiân)。


「井上先生ê老爸是台灣hō͘----ê。」有一工Yutas án-ne kā我講。

我真驚疑,袂牢就問:「按呢伊kám是來台灣報仇--ê?」

Yutas幌頭,淡薄仔傷心講,井上先生逐擺看著樟仔就會想起伊阿爸,伊會摸樹身講:「若是台灣無樟仔,阿爸就袂來台灣做工課,kap原住民發生誤會來失去性命。我也袂因為想beh教化、改變遮ê原住民來台灣傳福音--ah,這一切lóng是上帝安排好--ê啊!」


「聽---來,井上先生並是為著怨恨來遮--ê?」我袂牢koh---去。

Yutas講:「是啊,雖然井上先生無啥愛講話,看---來小可仔嚴肅,m̄-koh心真溫柔,伊身--上根本揣無怨恨ê痕跡。」

---koh真認真我講:「井上先生原本希望山地部落傳福音,soahhō͘日本政府禁止,m̄-koh伊並無放棄,決定學習醫術,改用醫療ê方式進入台灣山區。便若聽著有部落族人破病,管山路偌爾仔危險歹行,伊lóng會盤過山去救治。井上先生bat--過,伊úi上帝得著無比(bû-píê愛,伊希望家己ê性命會當仝款,hō͘ê火燒盡。」


「井上先生拄著遐爾悲傷ê代誌,soahiáu會當按呢做,真正hō͘人想袂曉啊!」我手托咧下頦,認真想behhō͘了解,然後問Yutas:「按呢你是按怎拄著伊--ê--咧?」

Yutas笑笑仔講:「彼是有一年冬天,部落真濟人染著流行性感冒,當時我無衫kap被通保暖,井上先生毋但治好我ê病,koh送一領siah-chuhhō͘--M̄-koh我甘願身軀冷也甘穿chiah珍貴ê衫,因為感覺家己規身軀癩哥爛癆!

井上先生知影了後袂忍--得就我罵講:『是性命重要,抑是衫重要?』

講了koh送一寡豬肉ài我補身體。」


ùi Yutas ê面,看著伊對井上先生ê尊敬,m̄-koh--koh帶一絲仔甘。

伊講井上先生山地部落巡迴醫療真無簡單,風颱大雨chiokê時間kap錢起--ê醫療所沖歹--去,用來治病ê器材藥品也lónghō͘大水沖走。甚至,伊三个囡仔八年之間一个koh一个過身--去,伊心內受著真大ê折磨kap痛苦,soahkoh堅持beh留踮台灣ê山內服務。


Yutas koh講:「井上先生真正是一个特別ê人,為著beh和阮順利溝通,伊真認真學習原住民講ê話,適應山內ê生活。因為長時間做伙,伊發原住民其實誠單純,有活力,而且袂貪心koh誠分張,koh是真注重婚姻kap男女平等ê高貴民族!這毋但改變伊原本想beh教育原住民ê想法,koh tī廣播kap報紙頂頭提倡廢止「生蕃」抑「蕃人」這種看原住民無目地ê稱呼。」講到遮,Yutas mā敬佩甲比一个讚。


「就是因為án-ne ê轉變,井上先生後--便若聽著原住民有困難,伊就一定會想辦法幫贊。」邊仔安靜織布ê Yaki聽著Yutas所講ê話,koh恬恬。

Yaki kā--ê--咧,講:「井上先生bat tī轉去日本辦代誌ê時,聽講有兩个泰雅族ê查某囡仔hō͘東京,無錢也知轉--ê路,就真著急咧揣--怹,像咧揣家己拍ê囡仔仝款;後--來毋但揣--著,koh想辦法傱錢,hō͘怹會當順利轉--來台灣。」


講啊講,Yaki就目箍紅紅,目屎含目墘講:「我khah早咧生囝ê時,因為大流血,強beh死死昏昏--去,是受當咧部落為逐家治病ê井上先生細膩照顧,才保我這條命。等到身體恢復了後,井上先生koh倩我鬥照顧其他患者,hō͘我趁有夠錢來養飼我ê囡仔。」

「原來井上先生毋但醫治部落族人ê身體,koh真關照怹ê生活。」我對井上先生真正愈來愈欽佩--ah


M̄-koh,我雄雄想起一件代誌。「按呢井上先生kám有實現伊想beh傳福音ê願望?」我問。

「井上先生bat tī个祈禱會中講--著,伊想beh傳福音hō͘灣原住民,soah因為日本政府禁止,致使無一个人信主,講就感覺艱苦心開聲哭---來,可見這是伊來台灣上遺憾ê代誌--ah。」Yaki講,其實原住民只是為著莫影響井上先生ê工課,無公開承認怹信耶穌爾爾。


「井上先生後--kám有轉去日本?」我問。

Yutas講,爭結束後,井上先生規心kan-nabeh留踮部落,繼續醫療傳道ê工課,koh kā名改做漢名「高天命」,想beh做台灣人,m̄-koh猶是無法度留---來,最後被迫離開台灣。M̄-kohbeh離開進前,伊聽著有真濟Taroko(太魯閣)ê原住民到花蓮港教會接受洗禮,當場感動kah講袂出話。

「凡勢有人無理解井上先生台灣所做ê代誌,事實上,伊用性命咧傳福音,用基督ê愛咧影響阮ê性命。就伊離開台灣了後,誠濟原住民變做基督徒,只是伊無機會親目睭看著爾爾,這lóng是井上先生濟濟年來祈禱kap醫療工作ê成果啊!」Yaki愈講愈激動。


過一睏仔,Yaki平靜---來,寬寬仔講:

「我真正chiok數念井上先生,

知伊ê佗位--咧?

我想beh𤆬ê囡仔去看--伊,

親身koh伊說謝。」

彼工結束kap兩位老大人ê談話,beh走進前我對Yaki講:「我來你鬥揣井上先生!無論開偌濟時間,我lóng beh揣著伊。」

伊頕頭微微仔笑,然後ùi一个盒仔內,提出一項物件hō͘--我,

是一个用織布紩(thīⁿê目鏡袋仔。


幾年後,Yaki轉去到天ê兜。

櫻花大開ê季節,我總算來到井上先生ê墓前。回想伊用有限ê性命一世人為台灣所做ê一切,親像泰雅族ê編織,上帝安排好美麗ê線,井上先生用性命中每一擺ê經歷kap撞突,hō͘bgira'出力捒絚,最後完成一幅無人會當取代ê織布。

井上先生墓牌前,我獻上泰雅族Yaki手織ê目鏡袋仔,內心充滿感謝。

我對伊講:「井上先生,感謝--你。感謝你將這世人lóng奉獻台灣這塊土地。」


美好腳蹤系列06

井上先生,謝謝您

文/圖:陳嘉鈴

發行:台灣基督長老教會總會教育委員會

發行人:王燦昇

出版:使徒出版社有限公司

總策畫:盧俊義

顧問:張淑瓊

編輯小組:張淑瓊、李位鼎、江淑文、陳嘉鈴、張倍萁

主編:江淑文

親子導讀:江淑文

親子旅遊:周佩蓉、陳嘉鈴

美術編輯:陳嘉鈴

執行編輯:張倍萁

翻譯:台語文/陳豐惠;英文/James Chen;日文/Fumi Wörl(陳寬墀校正)

校稿:林士文、周佩蓉、潘昭樺、黃嘉琳、蕭景宗

有聲書:華語/陳謙光、陳初保、林士文;台語/陳豐惠;英語/James Chen;日本語/重金優子

錄音製作:陳謙光;拉法錄音室/陳偉益

音樂原創和演奏:陳謙光;拉法錄音室/陳偉益

數位錄音工程和配樂配音指導:高珮文

印刷製版:國宣印刷股份有限公司

發行地址:台北市羅斯福路三段269巷3號

訂購電話:(02)2362-5282轉215、218發行室

傳真:(02)2363-1722

網址:http://christed.pct.org.tw

電子信箱:christed@mail.pct.org.tw

劃撥戶名:使徒出版社有限公司

劃撥帳號:50066252

出版年月:主後2018年7月

ISBN:978-986-95789-7-4

定價:250元(精裝附英文譯本);日文譯本自由奉獻